Nestas páxinas preténdese que un alumno con moi poucos coñecementos de álxebra poida acadar certa comprensión das progresións aritméticas e xeométricas e as observe en diversos contextos.

Preténdese tamén que a terminoloxía básica (termo primeiro, razón, distancia, termo n-ésimo) teña sentido para o alumno en canto o profesor a introduza en clase, fin para o cal están pensados os casos prácticos dos exercicios.

• Identificar progresións aritméticas e xeométricas mediante a relación dun termo e o seguinte.

• Resolver por tenteo problemas relacionados con progresións aritméticas ou xeométricas.

• Descubrir as posibilidades da álxebra para conseguir directamente as solucións ós problemas resoltos mediante tenteo.

• Lembrar contidos de xeometría (figuras planas, ángulos, teorema de Pitágoras), do sistema métrico decimal, do sistema monetario e de aritmética (sistema decimal).

• Tomar contacto con conceptos de maior complexidade (só os alumnos en condicións de asimilalos (logaritmos, inecuacións, ecuacións e sistemas).