Tipos de fraccións | |
As fraccións | |
1. Definición de fracción. | ||
Os números naturais xurden para expresar cantidades
que se refiren a obxectos enteiros, pero cando queremos expresar
medidas non son bos. Para medir, adoita ser necesario fraccionar a
unidade: a metade, catro terceiras partes, tres centésimas, ...
exprésanse mediante fraccións: Estas expresan cantidades nas que os obxectos están divididos en partes iguais. |
||
Unha fracción é o cociente indicado de dous números enteiros. É dicir, é unha división sen realizar. Unha fracción representa o valor ou número que resulta ao realizar esa división. |
||
|
||
2. Tipos de fraccións. | ||
Número
enteiro Unha fracción pode ser un número enteiro: Sempre que o numerador sexa múltiplo do denomidador a fracción representará un número enteiro. Número fraccionario Cando unha fracción non é un número enteiro se denomina número fraccionario. Por exemplo: Fracción propia Unha fracción propia é un número fraccionario con un valor menor da unidade (ou, no caso de fraccións negativas, maior que -1). Polo tanto o numerador é menor que o denominador. Fracción impropia Unha fracción impropia é un número fraccionario que non é unha fracción propia. Número mixto Se escribimos unha fracción impropia como suma dun número natural e unha fracción propia (ou como resta dun enteiro negativo e unha fracción propia), dicimos que a fracción está escrita en forma de número mixto. |
||
|
||
3. Representación na recta. | ||
Fracción Propia:
Dividimos o segmento entre 0 e 1 (se a fracción é negativa, entre -1 e 0) en tantas partes iguais como indica o denominador e se collen tantas como indica o numerador. |
||
|
||
Fracción Impropia:
Escribimos a fracción como número mixto e logo representamos a fracción propia que forma parte do mesmo pero no segmento entre o número enteiro que forma a outra parte do número mixto e o seguinte (ou o anterior para negativos) |
||
|
Emilio Pazo Núñez e Miguel Angel Cabezón Ochoa | ||
© Ministerio de Educación. Ano 2009 | ||
Os
contidos desta unidade didáctica están baixo unha licenza
de Creative Commons se non se indica o contrario.