 |
Autor: Xosé A. Alonso |  |
TRAXECTORIA. ECUACIÓNS PARAMÉTRICAS |
A liña que se obtén unindo os sucesivos extremos do vector de posición, que indica a posición ocupada polo móbil en cada momento, denomínaselle TRAXECTORIA.
| A posición dun punto informanos acerca do seu movemento. A traxectoria dinos qué camiño segíu. A escena, tomada do Proxecto Newton representa o vector posición dun móbil. Podes ver, ou non, a traxectoria que describe. |
A ecuación da traxectoria, no plano, será unha función do tipo y = f(x). Esta ecuación pode obterse a partir das chamadas, ecuacións paramétricas.
Reciben o nome de ECUACIÓNS PARAMÉTRICAS aquelas ecuacións nas que as variables x e y, cada unha separadamente, estan expresadas en función da mesma terceira variable, comúnmente chamada variable paramétrica. Segundo isto, e como ocorre no movemento, se a variable paramétrica é o tempo, e a representamos por t, as ecuacións paramétricas represéntanse da seguinte forma:x = f(t) e y = f(t).
Exercicio: |
Achar a ecuación da traxectoria da curva cuxas ecuacións paramétricas son: x = 8t +3; y = 4t + 2. |
Asignado valores á variable paramétrica, as ecuacións paramétricas determinan os valores correspondentes a x e y, que representan as coordenadas de un punto da curva. Uníndo os puntos así determinados resulta unha curva, que é a representación ráfica das ecuacións paramétricas.
REALIZA AS ACTIVIDADES SEGUINTES:
