Para expresar un número racional en forma decimal abonda dividir o numerador entre o denominador. Hai dous casos:

• A división é exacta, hai un número finito de cifras decimais. Decimal exacto.

• O número decimal ten un número ilimitado de cifras decimais. Decimal periódico. O período é o grupo de cifras que se repite indefinidamente.

  • Se o período comeza a partir da coma o número decimal dise periódico puro.

  • Se o período non comeza a partir da coma o número decimal se di periódico mixto.

Pulsa o botón INICIO e xérase un exemplo de número decimal.

Copia no teu caderno polo menos dous exemplos de cada tipo.

Pulsa o botón EXERCICIO para xerar unha fracción, debes buscar a expresión decimal. Falo no teu caderno, escribes a solución no control Expresión Decimal e pulsas o botón SOLUCIÓN para ver se o fixeches ben.