|
Un
dos principais atrancos da experimentación foi provocado polo
deseño da mesma.
O feito de ter que acceder a varias unidades distintas provocou certa
incoherencia nas actividades e causou algunhas dificultades e
confusión. Por iso sería recomendable o desenrolo de
unidades didácticas acordes có proxecto didáctico
do departamento. Pódese partir de unidades existentes,
modificándoas e engadindo actividades, para adaptalas as
características e necesidades do alumnado.
Por
outra banda, quedoume a sensación
de que onde mais proveito se lle pode sacar as escenas feitas con
Descartes é en contidos nos que a utilización de
gráficos dinámicos e interactivos revélase fundamental
para a comprensión da materia, superando con moito o que se
pode facer có xiz e o encerado. Neste aspecto, creo que a
elección de dúas unidades de aritmética non foi
a máis axeitada e debería ter escollido algún
dos temas de funcións ou de xeometría.
Por
isto parece aconsellable engadir
actividades desenvolvidas con outras ferramentas que poden ser mais
axeitadas en contidos de aritmética, álxebra,
estatística ou xeometría. Por exemplo, actividades
feitas con software de xeometría dinámica (Geogebra,
Regla y compas, ...), con software de cálculo simbólico
(MathCad, Derive, ...), software de representación de funcións
(Graph), etc.
Quizais
con Descartes 3D se poidan
mellorar moitas das escenas desenvolvidas co 2D e deste xeito ampliar
o rango de aplicacións das escenas feitas có applet de
Descartes.
|
|
Aínda
que o resultado da experimentación levada a cabo foi, en liñas
xerais, moi positivo, tamén hai que falar de aspectos
negativos. O maior defecto que vexo é que se trata dunha
iniciativa illada, desconectada da forma de traballar do resto de
compañeiros do departamento e doutros departamentos. Sería
fundamental a implicación de todos na procura dun cambio
metodolóxico.
A
coordinación e a implicación do profesorado de
matemáticas, e tamén do resto de departamentos, faise
imprescindible. Sen unha aposta decidida neste sentido as iniciativas
que se leven a cabo quedan como anecdóticas e, aínda
que moi loables, non deixan de ser só o traballo individual de
persoas voluntariosas, ilusionadas co seu traballo pero con pouca
repercusión no resto e probablemente cheguen a ser
contraproducentes.
Esta
implicación é fundamental tamén para garantir a
continuidade e a xeneralización deste tipo de
experiencias.
Esta claro que non ten que ver co deseño da experimentación
levada a cabo nin co seu resultado, pero sen unha verdadeira
implicación de todos os docentes non se poderá
conseguir un cambio metodolóxico
que mellore o aprendizaxe do noso alumnado.
|
