Pode darse o caso de que coñezamos o valor final e o aumento ou diminución porcentual realizado e queiramos saber cal era o valor inicial. Por exemplo, se coñecemos o prezo dun produto tras unha rebaixa (diminución porcentual) e queremos atopar o prezo antes da rebaixa; ou se coñecemos o prezo dun produto con IVE (aumento porcentual) e queremos saber o valor sen IVE. A cantidade inicial obtense dividindo a cantidade final polo índice de variación.

Pulsa o botón inicio para ver exemplos. Copia no teu caderno polo menos dous exercicios distintos de obtención da cantidade inicial tras un aumento porcentual e outros dous tras unha diminución porcentual.

Pulsa o botón EXERCICIO para xerar un exercicio de variacións porcentuais. Estes exercicios inclúen tanto problemas nos que coñeces a cantidade final e queres calcular a cantidade inicial como os vistos na páxina anterior nos que se coñecía a cantiade inicial. Aparecerán situacións sobre as rebaixas (diminución porcentual) ou ben sobre o IVE (aumento porcentual) En España, actualmente hai 3 tipos de IVE (do 4%, do 7% e do 16%, pero nos problemas utilizaremos calquer valor entre o 1 e o 25 %). Fai os exercicios no teu caderno e logo pulsa SOLUCIÓN para ver se o fixeches ben.

Cando temos varios aumentos ou diminucións porcentuais sucesivos, se queremos saber a que variación porcentual equivalen, debemos multiplicar os índices de variación dos sucesivos pasos. O índice resultante será o índice de variación total.

Pulsa o botón inicio para ver exemplos. Copia no teu caderno polo menos dous exemplos distintos de encadeamento de variacións porcentuais.

Pulsa o botón EXERCICIO para xerar un exercicio de encadeamento de variacións porcentuais. Faino no teu caderno e logo pulsa SOLUCIÓN para ver se o fixeches ben.