Ao traballar con números decimais periódicos ou irracionais non podemos considerar todas as súas cifras. É necesario tomar aproximacións, considerando só un número finito de cifras decimais. Se o número aproximado que collemos é máis pequeno que o número orixinal é unha aproximación por defecto; se é maior, é unha aproximación por exceso.

Pulsa o botón INICIO e verás exemplos de aproximacións por exceso e por defecto de números decimais. Co control orde podes elixir as cifras decimais.

Copia no teu caderno polo menos tres aproximacións de cada caso.

Redondeo de orde n

Para redondear un número decimal ata unha orde n póñense as cifras anteriores a esa orde. A cifra de orde n déixase como está se a cifra seguinte é menor que 5, e auméntase unha unidade se a cifra seguinte é maior ou igual que 5.

Pulsa o botón INICIO e verás o redondeo dun número decimal. Pulsa o control orde para redondealo coas cifras decimais que desexes.

Copia no teu caderno polo menos tres redondeos.

Truncamento de orde n

Para truncar un número decimal ata unha orde n póñense as cifras anteriores a esa orde inclusive, eliminando as demais.

Pulsa o botón INICIO e verás o truncamento dun número decimal. Pulsa o control orde para redondealo coas cifras decimais que desexes.

Copia no teu caderno polo menos tres exemplos.

Nesta escena vas realizar unha serie de exercicios sobre o que viches nesta páxina, pulsa o botón EXERCICIO mentres non che digan o contrario.