Lembra o máis importante

Rectas

Ángulos

Os elementos fundamentais da xeometría plana son os puntos e as rectas.

A liña recta é a máis curta entre dous puntos.

  • Dúas rectas son paralelas se non se cortan en ningún punto e son secantes se se cortan nun punto.
  • Dúas rectas son perpendiculares se dividen ao plano en catro rexións da mesma amplitude.

Mediatriz dun segmento é unha recta perpendicular a este segmento e que o divide en dúas partes iguais.

Dise que dous puntos A e B son simétricos respecto dunha recta, se esta recta é a mediatriz do segmento AB.

Ángulo é cada unha das dúas rexións en que dúas semirrectas coa mesma orixe dividen ao plano. Os ángulos poden clasificarse tendo en conta distintos criterios:
  • con relación á súa amplitude: recto,raso, nulo;
  • en comparación co ángulo recto: agudo, obtuso;
  • en comparación co ángulo raso: cóncavo, convexo.

Ao dividir unha circunferencia en 360 partes iguais obtense un grao. Así, a circunferencia completa mide 360º, o ángulo recto mide 90º e o raso mide 180º.

Chámase bisectriz dun ángulo á semirrecta que o divide en dúas partes iguais.

A suma e a resta de ángulos realízanse sumando ou restando as amplitudes de cada un deles.

anterior
seguinte