3. Ángulos. Clasificación e medida.

Definición de ángulo
Pensa nun plano sen bordos, ou o que é o mesmo, ilimitado. Representa un punto A e traza dúas semirrectas con orixe neste punto. Chamaremos vértice ao punto A e lado a cada unha das dúas semirrectas.

O plano queda así dividido en dúas rexións que comparten o vértice e os lados. Cada unha destas rexións chámase ángulo.

Resulta evidente que as dúas rexións poden ter distinto tamaño. Chamaremos amplitude do ángulo ao tamaño de cada unha delas. Atendendo a ela, identificaremos distintos tipos de ángulos, estableceremos relacións entre eles e mediremos as amplitudes.


Chamamos ángulo a cada unha das dúas rexións nas que queda dividido o plano ao trazar dúas semirrectas coa mesma orixe.

Esta unidad interactiva requiere la máquina virtual de Java J2RE.
anterior
seguinte