Lembra o máis importante

Números naturais
• Hai dez cifras ou díxitos para formar os números. Cada cifra ten un valor dependendo da posición que ocupe (no número 3588, a cifra 5 vale 500).
• Os números están ordenados e úsase o símbolo < para menor que e > para maior que.

• Redondear un número é substituír as súas últimas cifras por ceros pero observando a primeira cifra que se substitúe por se hai que engadir unha unidade á cifra anterior.

Potencias
• Unha potencia é unha multiplicación de factores iguais. O factor que se repite é a base e o expoñente é o nº de veces que se repite a base.
Esta unidad interactiva requiere la máquina virtual de Java J2RE.
Operacións
• Na suma hai sumandos;  na resta está o minuendo e o subtraendo, e o primeiro ten que ser maior que o segundo; na multiplicación hai factores; na división cumprirase:
dividendo = divisor · cociente + resto (resto<divisor)
e se o resto é cero a división é exacta.
• Cando se realicen operacións combinadas, primeiro fanse as parénteses, despois os produtos e divisións, e, por último, as sumas e restas.
Raíz cadrada
• √a=b se b2=a. (a é o radicando e b é a raíz cadrada).
Se non hai raíz exacta, eleximos o maior número b tal que b2< a; e haberá un resto=a-b2.

Calculadoras
• Antes de usar unha calculadora debes saber se é científica (respecta a xerarquía das operacións) ou estándar (realiza as operacións na orde na que se introducen).

anterior
seguinte