DATOS XERAIS

OBXECTIVOS DA EXPERIENCIA

• Aplicar o aprendido no curso Descartes2
• Aplicar as TIC na miña labor cotiá
• Deixar de ser a protagonista das clases, cambiando a metodoloxía: en vez  de explicar a materia, responder as dúbidas que se presenten cando eles fagan os descubrimentos
• Motivar os meus compañeiros de departamento para que usen Descartes

• Motivar os rapaces, para que teñan unha actitude positiva fronte as matemáticas
• Transformalos en elementos activos no proceso da aprendizaxe
• Mellorar a súa capacidade de comprensión lectora
• Que sexan capaces de aprender dos seus erros
• Acadar os obxectivos reflectidos na programación do departamento para o tema a tratar
• Mellorar o rendemento académico

CONTIDOS MATEMÁTICOS APRENDIDOS

• Concepto de magnitude escalar e vectorial
• Definición de vector e seus elementos; cálculo das súas coordenadas
• Vectores equivalentes e paralelos
• Operacións con vectores: suma, resta, produto por un número, suma dun punto cun vector
• Aplicacións no cálculo de perímetros e puntos medios de segmentos

AULA DE ORDENADORES

A aula dispón de 13 ordenadores para os rapaces e un para o profesor; todos os ordenadores dos alumnos foron instalados o curso pasado, son Dell con procesador AMD 64 Athlon x2 e contan con lector-gravador de DVD, cun monitor de 15" de pantalla plana, dous portos USB frontais; o do profesor é un portátil Dell de características similares. O seu sistema operativo é Windows XP, teñen instalados os navegadores Explorer e Firefox; todos están bloqueados para que soamente o administrador poda instalar novos programas. Todos están conectados entre si a unha rede de aula. Dispoñemos de ADSL, con acceso é a través dunha rede wi-fi exclusiva da aula, cunha velocidade aceptable. O ordenador do profesor está conectado a un canón que ten unha pantalla situada xusto detrás da mesa do profesor, co que todos os alumnos poden ver o que se fai nel, o que resultou moi útil para as explicacións. 

Forma de uso

No horario teño adxudicada a aula de informática para tódalas sesións, que son tres semanais en 4º da ESO. Esta aula atópase o lado das aulas de 4º, o que facilita o traslado dos rapaces. As sesións foron: en 4º A martes, mércores e venres; en 4º B luns, martes e xoves, sempre a primeira ou segunda hora da mañá.
Preferín que se distribuiran en 4º A por parellas, porque funcionaron moi ben nas outras veces que traballamos así; 4º B hai un grupo de rapaces que preferín que estiveran sos porque nas experiencias anteriores o seu comportamento non fora moi bo e así obrigueinos a traballar máis e tívenos máis controlados. Instalei localmente en cada equipo a unidade didáctica, cunha icona de acceso directo no escritorio, dado que o Descartes xa estaba instalado en todos os postos.

UNIDADE DIDÁCTICA UTILIZADA

• Acceso a unidade didáctica

DESENROLO DA EXPERIENCIA

Adiqueille en total 6 sesións en ambolos dous grupos comezando o 20 de maio e rematando o 2 de xuño. O longo da experimentación os rapaces descubriron catro erros nas escenas, que xa correxín na versión que aparece neste informe da unidade didáctica

Na primeira sesión adxudiquei a cada alumno o seu posto, expliquei o funcionamento das escenas da primeira páxina para que eles traballaran; resultoulles difícil deducir como calcular as coordenadas dun vector coñecendo os seus extremos, quizás debería de ter incluído nesta escena un botón coa solución; tamén tiven que explicar en bastantes casos como calcular o módulo do vector aplicando o teorema de Pitágoras.

Na segunda sesión traballaron coa segunda páxina, explicando para todos como funcionan súas escenas e os obxectivos delas; resultoulles máis doada que a páxina anterior, e o feito de ter a solución das dúas cuestións plantexadas fixo que traballaran de xeito autónomo. Descubriron un par de erros na escena de vectores paralelos, nas coordenadas dos extremos dos vectores. Algúns rapaces remataron a última escena da primeira páxina, dado que na sesión anterior non lles dera tempo.

Na terceira e cuarta sesión traballaron coa terceira e cuarta páxina, nas que trátase as operacións con vectores; estas escenas resultáronlles sinxelas de utilizar, polo que apenas xurderon dúbidas, únicamente coa suma de vectores, polo feito de ser conmutativa, tiven que dar explicacións adicionais. No exercicio 8.2 o enunciado non estaba ben redactado, polo que na pizarra redacteino de xeito correcto.

Na quinta e sexta sesión traballaron coa quinta páxina, na que aparecen exercicios e a súa solución. O funcionamento desta escena non tivo dificultade, e de novo detectaron algúns erros nas solucións de dous exercicios.

Avaliación

O 10 de xuño os rapaces fixeron unha proba escrita sobre a materia.

• Acceso a proba de vectores

DATOS AVALIACIÓN

VALORACIÓN DOS ALUMNOS

RESULTADOS DA ENQUISA PECHADA  

• Acceso a enquisa 

A valoración da preguntas é dende 1-nada ata 5-moito
En xeral todos mostraron bastante interese en facer as clases dun xeito diferente, e máis da metade en 4º A tiñan bastante interese inicial, en 4º B hai máis alumnos que non mostraron apenas interese.

A valoración da preguntas é dende 1-nada ata 5-moito
En xeral teñen a percepción de que aprenderon bastante, pero temos que ter en conta que fixen a enquisa antes que a proba de coñecementos

RESULTADOS DA ENQUISA ABERTA

Estas son as respostas máis significativas dos rapaces, aínda que a maioría non contestaron nada.

• Traballar en equipo
• As escenas axudan a entender
• A clase é máis amena que unha clase tradicional
  
• É diferente o convencional
• Poder facer os exercicios cos debuxos
• Deducir nos mesmos a solución axuda a que logo o estudo da materia sexa máis sinxelo

• Algunhas escenas tiñan erros
• A explicación non é tan fácil de entender como coa profesora
• Non foron suficientes exercicios

• Cambiaría a utilización do ordenador
• Non cambiaría o traballo en equipo
• A forma de explicar a materia, non os exercicios
• Non cambiaría o de facer os exercicios no caderno de traballo en vez de na libreta

• Na pregunta "Gustaríache continuar traballando con este método?", depende do tema a traballar
• Na pregunta "Crees que é posible aprender matemáticas así?", penso que sí que é posible, pero temo que os exercicios no examen nos sexan iguais ca estos
• Na pregunta "Prefires este sistema ao tradicional ?", deste xeito é máis divertido, polo tanto aprendín moito máis

Expresa túa valoración xeral ou os comentarios que creas que son de interese

• É unha forma interesante de aprender, pero alternando co método tradicional
• É unha boa técnica pero non a máis eficaz
• É mellor o método tradicional
• Aprendo moito máis, non sinto a presión do grupo nin da profesora poido repetir un exercicio ata entendelo
• Esta é unha experiencia positiva xa que a clase é máis divertida e aprendes máis

VALORACIÓN DA PROFESORA

• A aprendizaxe é interactiva
• Maior motivación dos alumnos
• Desperta a cooperación entre os rapaces, axúdanse cando o compañeiro non é capaz de resolver un problema
• O uso das TIC axuda a visualizar as matemáticas, en especial neste tema de xeometría
• Os resultados na proba de coñecementos foron mellores que co método tradicional
  

• O esforzo que supón a preparación de todo o material
• Maior lentitude a hora de cumprir coa programación
• Tes que vixiar moi de cerca o que están a facer, para que non abran outros programas
• Os alumnos distráense con maior facilidade