O NÚMERO ATÓMICO e O NÚMERO MÁSICO

A identidade dun átomo e as súas propiedades veñen dadas polo número de partículas que conten. O que distingue a uns elementos químicos doutros é o número de protóns que teñen os seus átomos no núcleo. Este número chámase Número atómico e represéntase coa letra Z. Colócase como subíndice á esquerda do símbolo do elemento correspondente. Por exemplo, todos os átomos do elemento Hidróxeno teñen 1 protón e o seu Z = 1, os de helio teñen 2 protóns e Z =2, os de litio, 3 protóns e Z = 3,…

Se o átomo é neutro, o número de electróns coincide co de protóns e dánolos Z.

O Número másico indícanos o número total de partículas que hai no núcleo, é dicir, a suma de protóns e neutróns. Represéntase coa letra A e sitúase como superíndice á esquerda do símbolo do elemento. Representa a masa do átomo medida en uma, xa que a dos electróns é tan pequena que pode desprezarse.

No exemplo, teríamos un átomo do elemento neón, con 10 protóns no seu núcleo e 10 electróns na súa codia (é neutro). Tería tamén: 22-10 = 12 neutróns.