1.1. - Números moi grandes e números moi pequenos

Contesta ás seguintes preguntas:

• ¿A que velocidade crece o cabelo humano?
• ¿Canto pesa un cabelo humano?
• ¿Canto pesa unha das túas pestanas?
• ¿Canto pesa a Lúa?
• ¿Cantas páxinas de Internet conteñen a palabra libro?
• ¿Cantas cabelos tes na cabeza?
• ¿Canto pesa un gran de area?
• ¿Que distancia separa a Terra do Sol?

• ¿Cantos grans de area hai no deserto?

En todos os casos as respostas serán números ou moi grandes ou moi pequenos.
Imaxínate que, unha vez os descubras, tiveses que facer unha serie de operacións con estas cantidades.

¿Cres que che resultaría cómodo traballar con estes números? ¿Por que?

O traballo con números de moitas cifras (tanto se se trata dun número pequeno como dun grande) resulta difícil porque presenta problemas:

• As operacións vólvense longas e tediosas.
• É difícil apreciar o grande ou pequeno que é o número.
• É case seguro que vai esquecer algunha cifra ou que a escribiremos de máis.

Resulta conveniente buscar métodos que nos permitan manexar eses números.
As potencias de 10 vannos facilitar o traballo, por iso empezaremos con elas.