Grupo - Características e condiccións:

• 4º ESO opción A (carácter terminal da materia)

• Nº de alumnos/as: 12

• Nivel na materia en xeral baixo: dous alumnos teñen a materia de matemáticas pendente do curso anterior, varios superaron a materia na convocatoria de setembro e un alumno é repetidor.

• Nº clases semanais: 3 (luns, mércores e xoves)

• Un alumno por mesa de ordenador, con espazo dabondo para o caderno, monitor, teclado, ratón e libro de texto.

• Todas as clases na aula de informática (neste centro dispoñer da aula de ordenadores para todas as clases non é, por agora, moi doado de conseguir)

Obxectivos da experimentación: (síntese da práctica 1)

Seguramente a experimentación con Descartes na aula pódese aplicar con éxito a todo tipo de alumnos e todos os niveis de ESO e Bacharelato, pero ao meu parecer terá unha  especial repercusión nos alumnos aos que as matemáticas  non lle agradan ou ata agora parécenlles aburridas.

• Co uso dos ordenadores e o nippe Descartes atopámonos ante a posibilidade de motivar aos alumnos dun xeito distinto, non convencional no estudo das matemáticas.

• Espero unha actitude máis positiva fronte ás Matemáticas como consecuencia do cambio da habitual metodoloxía expositiva.

• Permitirá unha atención personalizada dos alumnos/as, e poden realizar unha aprendizaxe interactiva que ademais lles permite a repetición das cuestións que non comprendan.

• Os alumnos descobren as posibilidades do ordenador no estudo da materia.

Contidos matemáticos estudados: (Os correspondentes ao programado polo departamento para a 1ª avaliación)

Na páxina cabeceira atópanse co seguinte temario: (na 1ª avaliación -10 decembro- non temos rematado o 3º tema "proporcionalidade-porcentaxes", e só foron examinados dos dous primeiros temas)

4º E.S.O.  Matemáticas opción A
	Bloque I Aritmética e Álxebra O número	TEMA 1.- Conceptos previos: O número Enteiro, operacións, descomposición en factores primos, mcd e mcm. Tamén: potencias e raíces
		TEMA 2.- Número racional, fraccións. Número real. Representación na recta real.  Notación científica
		TEMA 3.- Porcentaxes. Proporcionalidade. Repartos. Interese simple e composto.
		TEMA 4.- Ecuacións de 1º e 2º grao. Resolución gráfica e alxébraica dos sistemas con dúas incógnitas

Acceso ao traballo na rede

• Unidades didácticas e aplicacións usadas: (traducidas ao galego e algunha modificada no sentido de partir ou recortar algunha páxina).
• As follas de traballo son seguimentos (mediante hipervínculos) con exercicios propostos  que van atopar nas unidades e que deben resolver no caderno. Tamén os levan a autoavaliacións que deben superar e das que o profesor vai tomando nota.

Desenrolo e incidencias da experiencia:

• O proxecto foi presentado no claustro, consello escolar e aos pais dos alumnos do grupo.

• Excepto o primeiro día adicado á presentación, as clases desenroláronse na aula de ordenadores (3 horas semanais).

• Os alumnos coñecían por uso exporádico no curso anterior o nippe descartes.

• No escritorio atopaban un icono que os levaba á páxina cabeceira. e traballan con Descartes no disco duro.

• Accedían ás páxinas de traballo mediante os hipervínculos da folla de traballo. Imprimían as follas de traballo e as listaxes de exercicios ao principiar o tema.

• Todos os exercicios tiñan que escribilos no caderno.

• Como deberes para casa debían pasalos a limpo e entregalos ao profesor cando terminaban un capítulo. Tamén as listaxes de exercicios serbían como deberes.

• Cando superaban unha autoavaliación avisaban ao profesor, que tomaba nota.

• Ao finalizar cada tema facían unha proba de tipo tradicional en papel.

• Case a diario usamos a pizarra para aclarar algunha cuestión, pero en curtos intres. Tamén utilizaban a calculadora con asiduidade e só en dúas ocasións utilizamos o canón-proxector para realizar un exercicio en equipo.

• Algúns alumnos teñen máis facilidade que outros e van máis adiantados no tema, pero non chegou a ser unha diferenza insalvable. Nalgunha ocasión pedinlle a unha alumna que axudase á compañeira.

• Creo que o nivel inicial baixo e, sobre todo, a folla de traballo do 2º tema é demasiado longa foi a causa de non ter rematado todos os temas previstos.

• Tivemos a visita, nunha sesión ordinaria de clase, dunha profesora adscrita á formación do profesorado da consellería de  educación que deulle un carácter máis oficial á experiencia tanto para os alumnos como para o centro.

Datos avaliación - enquisas:

Enquisa inicial:(respostas moi parellas; puntuaban de 1=nada a 5=moito)

• Datos académicos: 2 alumnos teñen matemáticas de 3º pendente, e 5 aprobaron en setembro. Un alumno é repetidor.

• Motivación: Ningún alumno declara a materia de matemáticas como preferida nin entretida, pero para 4 é a que menos gusta.

• Valoración e importancia: A valoración media da materia de matemáticas é de 3 (normal); e da do ordenador 4(bastante). Como materias que consideran máis importantes a maioría escollen: matemáticas e lingua.

• Experiencia co ordenador: Uso ordenador 4(bastante); Internet: entre 3 (normal) e 4(bastante); Motivo do uso: ocio e messenger.

Enquisa final:(tamén respostas moi parellas; puntuaban de 1=non, nada a 5=sempre, moito)

• Instalacións: Espazo na aula 4(bastante); Funcionamento de aparellos 4(bastante). Como suxerencia pedían a mellora no sistema de calefacción.

• Sofware: Fácil de usar 4(bastante); Entedemento das actividades 4(bastante); Entendemento das esceas entre 3(normal) e 4(bastante). Como observación comentaron a preferencia do navegador mozilla fronte ao explorer.

• Metodoloxía: 2 declaran non ter rematado todas as actividades propostas (sen embargo, todos entregaron os traballos do caderno requeridos). O mellor da aprendizaxe co ordenador: Autosuficiencia e poder marcarse o propio ritmo; só un alumno prefire o método tradicional e bota de menos as explicacións do profesor.

• Aprendizaxe: Gustouche usar o ordenador para estudar a materia? 5(moito); Consultaches ao profesor? entre 3(normal) e 4(moitas veces); a todos gustaríalles usar o ordenador noutras materias.

Avaliacións:

• Nunha proba de avaliación inicial de 5 cuestións básicas só dous alumnos respostaron correctamente ás cinco, a maioría a tres delas.

• Todos os alumnos entregaron copia escrita e pasada a limpo dos exercicios propostos nas follas de traballos (dous primeiros temas) e das listaxes. Coincidía en case todos os alumnos que se tiñan erros era nos mesmos exercicios.

• Tamén todos superan as autoavaliacións (uns máis axiña que outros)

• Proba escrita do 1º tema: Todos aproban o exame, con cualificacións entre 5 e 8,25

• Proba escrita do 2º tema: Suspende un alumno con cualificación 3,5 ; as outras cualificacións van do 5 ata o 9 (a maioria ronda o 6).

Valoración do profesor:

As circunstancia que rodean esta primeira experiencia con Descartes na Aula son especiais no sentido de ter poucos alumnos na aula e dipoñer da aula de ordenadores en todas as horas lectivas con eles. Non sei se por elo ou en calquera caso as espectativas iniciais descritas nos obxectivos foron cumpridas con creces.

Non tivemos ningún problema en canto á utilización e manexo do ordenador (só estropeouse un monitor que foi reemprazado).

É destacable o feito de que o uso do ordenador non elimina o traballo do caderno, senón todo o contrario, úsano quizais máis e sen as amarguras amosadas por algún en cursos anteriores.

Ten moita aceptación as escenas de autoavaliación (en todas pedíalles conseguir mínimo 8 ben de 10 exercicios xerados), pois tómanas coma un reto e incluso como xogo.

É notorio que a disposición dos alumnos á materia mellorou respecto de cursos anteriores, baste sinalar un comentario feito con agrado, aínda que sen dúbida esaxerado, dun alumno ao dicir que no que vai de curso fixo máis exercicios que no resto da súa vida.

Paréceme que o éxito da experiencia está na confección das follas de traballo, pois o temario está en xeral ben desenrolado entre unidades didácticas e aplicacións. Deben polo tanto, guiar de xeito eficaz ao alumno para que este consiga autosuficiencia no seu traballo, así o profesor pode adicar o tempo das clases a atención personalizada.

Esta experiencia pretende ter continuidade no resto do curso académico, xa que é do agrado dos alumnos, pais e profesor.